Þökkum frábærar viðtökur

Í dag eru réttir tveir mánuðir síðan opinberilega var greint frá eigendaskiptum á vefsíðunni Eyjar.net og við Ellert Scheving, tókum við. Við hönnuðum nýtt útlit á vefinn og settum aukinn kraft í umfjöllun um hin ýmsu mál er tengjast Vestmannaeyjum.

Gaman er frá því að segja að þó ekki séu liðnir nema 2 mánuðir – þá hafa heimsóknirnar á síðuna farið fram úr okkar björtustu vonum og markmiðum. Fleiri þúsund heimsóknir eru orðnar viðvarandi alla virka daga, og þegar best lætur nálægt tug þúsund. Þessar tölur gefa okkur sannarlega byr í seglin.

Ekki er það svo að á bakvið þennan árangur sé einungis vinna okkar ritstjóranna, heldur höfum við fengið til liðs við okkur mikið af góðu og öflugu fólki sem að er tilbúið að skrifa um hin ýmsu málefni daglegs lífs. Þarna er ég að tala um okkar frábæru Elítupenna sem að eru að slá í gegn með skrifum sínum viku eftir viku. Fyrir það, erum við mjög þakklátir.

Við leggjum okkur fram um að birta gagnrýnar fréttir og munum reyna að veita nauðsynlegt aðhald í þeim málefnum er snúa að Vestmannaeyjum og Eyjamönnum. Við segjum fréttirnar eins og þær eru, hvort heldur þær séu góðar eða slæmar. Það teljum við mikilvægt.

Þá er rétt að benda á að án ykkar, kæru lesendur væri þetta ekki hægt. Þið eruð mikilvægasti þátturinn í þessu öllu saman – og mælikvarðinn á það að okkur er að takast vel upp. Einnig þurfum við á ykkur að halda við fréttaöflun. Kæri lesandi ef þú telur þig hafa einhverjar upplýsingar eða efni sem nýst gæti til birtingar, nú eða góðar myndir, gamlar og nýjar – hafðu þá samband.

 

Tryggvi Már Sæmundsson

Ritstjóri – tryggvi@eyjar.net.

 

 

Fleiri greinar frá höfundi:

Íbúalýðræði

Nýr vefur á gömlum grunni

 

Nýjustu fréttir

Myndband
Slá ekki slöku við
Stjórnmál
Íris bæjarstjóraefni Sjálfstæðisflokksins
Menning
Útgáfutónleikar Vina og vandamanna: Eyjalögin lifa áfram
Áhugavert
Sjolag.is í stað veður- og ölduspár á netinu
Menning
ÞESAL – Partýljón, teiknimyndir, djamm og djús
Menning
Lúðrasveitir sameinast með stórstjörnum í Hörpu
Íþróttir
Kvennalið ÍBV semur við markmann frá Kanada-Guyana
Íþróttir
Tap hjá Arnari og íslenska landsliðinu gegn Færeyjum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.