Þann 21. september síðastliðinn var Alþjóða Alzheimerdagurinn. Alzheimersamtökin bjóða tenglum um land allt að koma til Reykjavíkur og verja deginum með þeim. Dagskrá byrjar snemma morguns á fyrirlestrum fyrir tenglana, eftir hádegi höfum við svo skoðað heimili fyrir heilabilaða og í ár skoðuðum við Maríuhús en það er dagdvöl fyrir heilabilaða. Dagurinn endar á málþingi sem Alzheimersamtökin standa fyrir. Málþingið var fullt af fróðleik um heilabilun, Guðni Th. forsetinn okkar setti málþingið fyrir hönd konu sinnar og í kjölfarið var talað um Lewy body sjúkdóminn, æðaheilabilun, að greinast ungur með heilabilun og á endanum var tekið stutt brot úr leikritinu „Ég heiti Guðrún“. Hægt er að sjá Málþingið á Facebook síðu og/eða heimasíðu Alzheimersamtakanna ásamt mörgum öðrum fyrirlestrum.
Alzheimersamtökin hafa þrjá tengla frá Vestmannaeyjum í sínum hóp.
Þórdísi Gyðu Magnúsdóttur (S:6904682), Sigrúnu Hjörleifsdóttur (S:6911477) og Iðunni Jóhannesdóttur (S:6901837).
Við hvetjum alla sem hafa einhverjar spurningar að hafa samband við okkur
Hvaða hlutverki gegnir tengill?
- Að veita upplýsingar um Alzheimersamtökin, hlutverk þeirra og helstu heilabilunar-
sjúkdóma - Að veita stuðning og ráðgjöf
í sinni heimabyggð - Að stuðla að því að opna umræðuna um heilabilun
- Að miðla reynslu sinni
- Að tengja saman aðila í nærsamfélaginu
o Aðstandendur
o Fólk með heilabilun
o Fagaðila - Að veita fræðslu
Aðstandendafundir eru annanhvern miðvikudag. Næsti fundur er 24. október kl.16.00 í safnaðarheimilinu.