HSÍ hefur ráðið nýjan starfsmann á skrifstofu sambandsins.
Það er eyjamaðurinn Kjartan Vídó Ólafsson sem tekur við stöðu markaðsstjóra HSÍ og mun hafa umsjón með markaðs- og kynningarstörfum sambandsins ásamt öðrum tilfallandi störfum.
“Kjartan er 39 ára gamall frá Vestmannaeyjum, búsettur í Garðabæ. Kjartan hefur víðtæka reynslu af sölu og markaðsmálum og starfaði nú síðast hjá Guðmundi Arasyni ehf.
HSÍ bindur miklar vonir við ráðningu Kjartans en vill á sama tíma þakka Bjarka Sigurðssyni fyrir vel unnin störf.” Segir í tilkynningu frá sambandinu.