Opnað hefur verið fyrir umsóknir í vinnuskóla Vestmannaeyjabæjar 2024. Foreldrar og/eða forráðamenn ungmenna fæddra 2008, 2009 2010 og 2011 geta sótt um rafrænt hér – Umsóknarfrestur er til og með 14. apríl.

Vinnuskóli Vestmannaeyjabæjar er starfræktur yfir sumarmánuðina, frá júní og fram í ágúst. Allir unglingar í 7., 8., 9., og 10. bekk grunnskólans með heimili í Vestmannaeyjum hafa rétt til þátttöku í Vinnuskólanum.  Unglingar í 7. bekk geta aðeins valið um vikur frá 15. júlí til 16. ágúst. Unglingum er skipt í hópa og hver hefur sinn flokksstjóra. Stefnt er að hafa verkefnin sem fjölbreyttust en sem fyrr eru garðyrkjustörf og almenn umhirða bæjarfélagsins langstærsti þátturinn í vinnuskólanum.

Í flestum tilfellum er Vinnuskólinn fyrstu kynni ungmenna af launaðri vinnu og því mikilvægt að vel takist til. Það er því nauðsynlegt að umræðan á heimili sem og umfjöllun í samfélaginu sé á jákvæðum nótum. Gott er t.d. að hafa í huga að starfsfólk vinnuskóla á rétt á bæði matar- og kaffitímum. Þar sem þau hafa ekki neina sérstaka aðstöðu til umræðu er ekki óeðlilegt að þau sjáist sitja og hvíla sig öðru hvoru.

Starfstími unglinganna er misjafn eftir árgöngum:

-Árgangur 2011, 20 vinnudagar, 30 tíma á viku.  Unnið er frá 09 -16 með klukkustunda matarhlé milli 12-13 mánudaga til föstudaga, hægt er að vinna hálfan daginn sé þess kosið. Valdar eru hámark 4 vikur á tímabilinu 15. júlí til 16. ágúst.

– Árgangur 2010, 25 vinnudagar, 30 tíma á viku. Unnið er frá 09 -16 með klukkustunda matarhlé milli 12-13 mánudaga til föstudaga, hægt er að vinna hálfan daginn sé þess kosið. Valdar eru hámark 5 vikur af þeim sem eru í boði.

– Árgangur 2009, 30 vinnudagar, 30 tíma á viku. Unnið er frá 09 -16 með klukkustunda matarhlé milli 12- 13 mánudaga til föstudaga. Valdar eru hámark 6 vikur af þeim sem eru í boði.

– Árgangur 2008, 35 vinnudagar, 30 tíma á viku. Unnið er frá 09 -16 með klukkustunda matarhlé milli 12-13 mánudaga til föstudaga. Valdar eru hámark 7 vikur af þeim sem eru í boði.

Reynt verður að koma til móts við óskir um tímabil eftir fremsta megni.  Mjög áríðandi er að skila umsóknum fyrir 14. apríl.

Laun

Unglingar fæddir 2011 798 kr. á klst. með orlofi
Unglingar fæddir 2010 931 kr. á klst. með orlofi
Unglingar fæddir 2009 1.064 kr. á klst. með orlofi
Unglingar fæddir 2008 1.330 kr. á klst. með orlofi
Laun eru greidd fyrsta virka dag hvers mánaðar og eru lögð inn á bankareikning og er launatímabil frá 26. hvers mánaðar til 25. þess næsta. Flokkstjórar hafa samband við forráðamenn áður en vinna hefst og gefa upplýsingar um hvar skal mæta ofl.

Markmið vinnuskólans er að undirbúa unglinga í vinnu áður en haldið er út á hinn almenna vinnumarkað. Vinnuskólinn er þó ekki einungis vinna heldur er einhver tilbreyting innifalin í skólanum, eins og í öðrum skólum.

Post Views: 50

TENGDAR FRÉTTIRMEIRA FRÁ HÖFUNDI