Vestmannaeyjabær auglýsti í apríl eftir ábendingum, tillögum og styrkumsóknum undir heitinu “Viltu hafa áhrif 2024?”

Um er að ræða síðari úthlutun fyrir árið 2024. Markmiðið með þessu er að stuðla að auknu íbúalýðræði í Vestmannaeyjum með því að gefa fólki, fyrirtækjum og félagasamtökum tækifæri á að hafa áhrif á bæinn sinn.

Fram kemur í fundargerð bæjarráðs að alls hafi borist 30 styrkumsóknir í ár sem og nokkrar ábendingar um hvað betur megi fara í Vestmannaeyjum.

Bæjarráð þakkar bæjarbúum fyrir fjölbreyttar umsóknir og ábendingar. Bæjarráð hefur tekið ákvörðun um styrki sem tilkynntir verða þriðjudaginn 28. maí nk.