Markmiði að fólki líði hér vel

Eyjafréttir
·
Fréttir
·
19. janúar 2021

Dagdvöl er stuðninsgúrræði fyrir aldraða einstaklinga sem búa enn í heimahúsum. Markmið dagdvalar er að rjúfa félagslega einangrun fólks og gera þeim kleift að geta búið lengur heima. Andrea Guðjóns Jónasdóttir deildarstjóri í Dagdvöl Hraunbúða skrifaði þennan pistil á heimasíðu Vestmannaeyjabæjar.

Við í dagdvölinni á Hraunbúðum höfum það helst að markmiði að fólki líði hér vel og geti þar af leiðandi sóst í þann góða félagsskap sem hér ríkir hjá okkur. Dagdvölin á Hraunbúðum býður upp á 10 almenn pláss sem að 27 einstaklingar sitja um. Hér er boðið upp á fjölbreytta virkni og fáum við fólkið sem hingað kemur til þess að taka þátt í að byggja upp starfið með okkur.

Á tímum sem þessum hefur starfið okkar og aðbúnaður breyst til muna. Við höfum þurft að einangra okkur frá heimilinu sjálfu og þar af leiðandi haft minna umhverfi í kringum okkur t.d. höfum við ekki haft aðgang að leikfimissal, setustofu, matsal og baðastöðu svo eitthvað sé nefnt. Við höfum þurft að hafa skiptingu hér hjá okkur bæði hvað varðar starfsfólk og þjónustuþega. Við höfum tekið U beyju hvað varðar þjónustu okkar í dagdvölinni á þessum tímum sem allir hafa lært af og við komum reynslunni ríkari frá. En þetta hefur ekki bugað okkar fólk né starfsfólk því ef jákvæðin er við völd þá getum við í sameiningu komist yfir hvaða hjalla sem er eins og einkennist hér í dagdvölinni hjá okkur.

Hver dagur hjá okkur byrjar með dýrindis morgunmat og rjúkandi kaffibolla og spjalli um daginn og veginn. Við tökum morgunleikfimi saman á hverjum morgni og í framhaldi af því er eitthver virkni keyrð í gang. Hádegismaturinn er ekki á verri endanum en við fáum mat sendan inn til okkar frá eldhúsi Hraunbúða.

Við fréttatímann fá þjónustuþegar okkar heita bakstra og ná að slaka á í góðum stól með teppi og ná að hvíla sig eftir matinn. Þegar líða tekur á daginn er vikrni sett í gang og getur hún verið af hinum ýmsum toga t.d. saumaskapur, lestur, umræðuhópar, spil, bingo og myndasýning svo eitthvað sé nefnt. Við tekur rjúkandi kaffisopi og sætt með í kaffitímanum og spjall. Eftir það förum við að gera okkur klár fyrir heimför og allir með bros á vör eftir frábæran dag í dagdvölinni. Í dagdvölinni ríkir skemmtilegur andi og gleðin og hláturinn ekki langt undann og við förum glöð heim og hlökkum til að koma aftur næsta dag og gleðja fleirri þjónustuþega.

Andrea Guðjóns Jónasdóttir
Deildarstjóri í Dagdvöl Hraunbúða

Nýjustu fréttir

Fréttir

Styrkir afhentir við hátíðlega athöfn í Oddfellow

Matur

Humar í fyrsta sinn á Matey

Sjávarútvegur

Vel veiðist hjá Eyjunum

Fréttir

Kjörsókn dróst saman í Eyjum

Áhugavert

Samgönguvandinn bitnar á Eyjagöngum

Íþróttir

Kristín Klara í lokahóp u-19

Áhugavert

„Það er ekki hlutverk ríkisins að bæta þetta tjón“

Bæjarmálin

Tæplega sjö af hverjum tíu sögðu já

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki