Sjö af átta síðustu bæjarstjórum Vestmannaeyja voru samankomnir á setningu Goslokahátíðar á föstudaginn.

Páll Zóphóníasson var bæjarstjóri árin 1976-1982. Þá tók Ólafur Elísson við og gegndi starfinu í fjögur ár. Því næst var það Arnaldur Bjarnason sem sat sem bæjarstjóri 1986-1990.

Þá tók Guðjón Hörleifsson við en hann var bæjarstjóri í Vestmannaeyjum í tólf ár. Ingi Sigurðsson tók við af Guðjóni árið 2002 og gegndi hann stöðunni til ársins 2003, og tók Bergur Elías Ágústsson við af Inga og var Bergur Elías bæjarstjóri í Eyjum til ársins 2006.

Árið 2006 settist Elliði Vignisson í stól bæjarstjóra Vestmannaeyja og sat hann þar í tólf ár, eða allt þar til Íris Róbertsdóttir tók við í fyrra, fyrst kvenna.

Sem kunnugt er heldur Vestmannaeyjabær uppá 100 ára afmæli sitt allt þetta ár og nær afmælishátíðin hámarki á Goslokahátíð.

Bæjarstjórar Vestmannaeyja frá upphafi: