Engin svívirðing – engin árás

Endurkoma forvera míns í bæjarmálaumræðuna hér í Eyjum um síðustu helgi var nokkuð óvænt og sérkennileg, svo ekki sé nú meira sagt.

Ég hafði staðfest, aðspurð, í samtali við blaðamann Stundarinnar þá skoðun mína að ég teldi óeðlilegt að Herjólfur ohf keypti lögfræðiþjónustu frá fyrirtæki í eigu stjórnarformanns félagsins. Þetta felur bara í sér almenna og eðlilega varðstöðu gegn hagsmunaárekstrum. Og það á líka að forðast þær aðstæður sem kveikja grun um slíkan árekstur. Þessu sjónarmiði hafði ég áður komið á framfæri við stjórnarformanninn sjálfan, þannig að ekki kom það honum á óvart. Það er líka rétt að geta þess að ég og oddviti Eyjalistans vorum, og erum, fullkomlega sammála í þessari afstöðu.

Í öðru lagi svaraði svo fjármálastjóri bæjarins að sjálfsögðu fyrirspurnum tveggja fjölmiðla um upphæð þjónustukaupa af fyrrgreindri lögmannsstofu, enda í samræmi við þá stefnu núverandi bæjaryfirvalda að upplýsingar um öll slík viðskipti eigi að vera uppi á borðinu. Það kom mér reyndar nokkuð á óvart að forveri minn skyldi gefa til kynna þá skoðun að ekki hefði átt að veita þessar upplýsingar.

Mest á óvart komu þó orðin – eða öllu heldur orðalepparnir – sem forveri minn notaði um þennan framgang málsins; talaði um fordæmalausar árásir á stjórnarformanninn og að verið væri að svívirða saklausan mann. Eins og sést af ofangreindu voru þetta engar árásir og þaðan af síður svívirðingar. Ég var einfaldlega að benda á hið augljósa og í því fólst ekki einu sinni gagnrýni á stjórnarformanninn – hvað þá árásir eða svívirðingar. Enda situr formaðurinn í umboði og á ábyrgð núverandi meirihluta bæjarstjórnar en ekki fyrrverandi; þótt sumir virðist reyndar eiga erfitt með að átta sig á því.

Hvað forvera mínum gengur til með þessari innkomu í bæjarmálaumræðuna hér í Eyjum er mér óskiljanlegt – en fólk getur allavega núna hætt þeim samkvæmisleik að geta sér til um hvenær fyrstu hrópin muni heyrast úr Ölfusi til Eyja. Það er komin niðurstaða.
Í lokin vil ég svo nota tækifærið til að óska forvera mínum alls velfarnaðar í nýju starfi í Ölfusinu.

Íris Róbertsdóttir
Bæjarstjóri í Vestmannaeyjum

Nýjustu fréttir

Íþróttir
Eyjamenn sóttu þrjú mikilvæg stig norður
Áhugavert
„Við erum ótrúlega stolt af ykkur“
Myndband
Mikill ferðamannastraumur um helgina – myndband
Úr blaði Eyjafrétta
Heimir og Særún heilluðust af Vestmannaeyjum
Íþróttir
Glæsilegu TM móti lokið – Þróttur R. varð TM móts meistari
Íþróttir
ÍBV getur farið upp fyrir Þór
Áhugavert
Sýndu fjölbreytni, metnað og sköpunargleði
Íþróttir
ÍBV stelpurnar gerðu jafntefli við Þrótt R.
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.