Þingmenn svara Eyjar.net
veitur_thingmenn_24 (1000 x 667 px)
Ásthildur Lóa Þórsdóttir, Ásmundur Friðriksson og Birgir Þórarinsson. Ljósmynd/samsett.

Eyjar.net sendi í síðustu viku spurningu til allra 10 þingmanna Suðurkjördæmis vegna synjunar HS Veitna um beiðni Eyjar.net á gögnum til rökstuðnings fyrirtækisins á hækkunum gjaldskrár á heimili í Eyjum.

Þrír þingmenn hafa svarað fyrirspurninni sem hljóðar svo:

„Samkvæmt orkulögum er veitustarfsemi takmörk sett þegar kemur að gjaldskrá þess. Veitan getur tekið sér 7% arð (eða hagnað) árlega. Nú hafa HS Veitur hafnað því að birta eða afhenda rekstraruppgjör fyrir veitustarfsemi sína (heitt vatn, kalt vatn og rafmagn) í Vestmannaeyjum. Bæði hafa Eyjar.net óskað þess ásamt því að Vestmannaeyjabær hefur í kjölfarið gert slíkt hið sama.
Þá hefur Eyjar.net óskað eftir því hvort Orkustofnun geti birt þessar upplýsingar en loðin svör þeirrar stofnunnar benda til að stofnunin hafi ekki þessi gögn undir höndum né rýni gjaldskrár veitustarfseminnar. Nú hafa Eyjar.net óskað eftir afstöðu ráðherra og bíður hennar nú.
Bent er á að HS Veitur hafa einkarétt frá ríkinu til dreifingar á vatni og rafmagni hér í Eyjum og er því augljóslega mikilvægt að gagnsæi ríki um reksturinn og traust sé milli allra hagaðila. Í dag ríkir lítið traust Vestmannaeyinga til HS Veitna. Eyjar.net fjallaði nýlega um bókhaldsgjörninga sem voru til þess fallnir að hækka handvirkt eigið fé veitustarfseminnar og þar með hækkað gjaldskrá þess. HS Veitur kusu að svara engu þegar Eyjar.net leitaði svara um það.
Hvaða augum horfir þú á málið?“

Ber skylda að upplýsa almenning, fjölmiðla og aðra opinbera aðila

Fyrstur til svara var Ásmundur Friðriksson, þingmaður Sjálfstæðisflokks. Hann bendir á upplýsingalög en ákvæði upplýsingalaga, nr. 140/2012, taka til allrar starfsemi stjórnvalda. Lögin taka til hvers konar þjónustustarfsemi, samningagerð, setningu stjórnvaldsfyrirmæla og annarrar starfsemi, eins og segir á vef Forsætisráðuneytis.

„Samkvæmt þessum lögum, taka upplýsingalög til allrar starfsemi lögaðila sem er að 51% hluta eða meira í eigu hins opinbera. HS Veitur ber því skylda að upplýsa almenning, fjölmiðla og aðra opinbera aðila um rekstur félagsins og ástæður og/eða grundvöll hækkana á gjaldskrá.“

Ætlar að skoða þetta mál sérstaklega

Birgir Þórarinsson, þingmaður Sjálfstæðisflokksins segir þetta athyglisvert mál.

„Fróðlegt væri að vita hvaða rök liggja að baki ákvörðun HS Veitna um að neita að birta / afhenda þessi gögn. Það skapar tortryggni að neita að afhenda þau og er fyrirtækinu ekki í hag. Að sama skapi er það fyrirtækinu ekki til framdráttar að svara ekki spurningum frá Eyjar.net.

Einnig velti ég því fyrir mér hvernig eftirliti með gjaldskrá er almennt háttað. Kannski er bara ekkert eftirlit? Þetta þarf að sjálfsögðu að skoða. Það er óeðlilegt að ekki ríki gagnsæi í þessum málum. Í mínum huga verður hið opinbera að tryggja að ekki sé verið að fara á svig við lög. Ég ætla að skoða þetta mál sérstaklega.“ segir Birgir.

Vítavert

Ásthildur Lóa Þórsdóttir, þingmaður Flokks fólksins segir það vítavert að HS Veitur neiti að upplýsa um eigin fjárhag í ljósi þess að fyrirtækið fer með samfélagslega mikilvæga innviði og með réttu hefði aldrei átt að einkavæða fyrirtækið.

„Það er afar mikilvægt að almenningur hafi greiðan aðgang að rafmagni og köldu og heitu vatni á sem lægstu verði. Sitjandi stjórnvöld og stjórnvöld fyrri tíðar hafa brugðist almenningi hvað þetta varðar.“ segir Ásthildur Lóa.

https://eyjar.net/raduneytid-oskar-eftir-afstodu-hs-veitna/

Nýjustu fréttir

Fréttatilkynning
Standa þarf vörð um hafrannsóknir
Laxey
Stórseiðahús reist á aðeins tíu mánuðum
Sjávarútvegur
Hafró leggur til minni þorskkvóta en mikla aukningu í loðnu
Aðsend grein
Leiðin liggur á Eyjuna fögru
Áhugavert
Enn að eftir 40 ár sem blaðamaður
Samgöngur
Dýpkun í Landeyjahöfn sett á bið vegna mikillar siglingaumferðar
Áhugavert
Sjómannakaffið – ÍBV-stelpurnar tóku við keflinu
Sjávarútvegur
Landað í Grindavík og í Eyjum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.