„Þrátt fyrir að við unnum ekki leikinn þá er þetta bara geðveik tilfinning,” segir Oliver Heiðarsson, leikmaður ÍBV eftir 1:1 jaftnefli gegn Leikni í lokaumferð Lengjudeildarinnar við Fótbolta.net eftir leikinn í gær. Oliver endaði sem markakóngur Lengjudeildarinnar með 14 mörk.

„Bara mjög sáttur. Ég ætlaði mér að verða markahæstur og hefði getað skorað aðeins fleiri, en fjórtán dugðu í þetta skipti. MIklu meiri stöðugleiki  hjá mér þetta ár heldur en í fyrra. Það eru leikir sem ég er ósáttur með, en það eiga allir slæma leiki,”

Oliver var spurður út í hvort hann verði áfram hjá ÍBV í næsta ári.

„Eins og er þá er ég í Eyjum, ég er náttúrulega samningsbundinn. Ég ætla mér ekkert að hugsa  um þetta núna. Ég ætla bara að taka smá frí en  þetta er búið að vera svolítið langt tímabil. Mig langar að vera í Eyjum og mér finnst ógeðslega gaman að vera vera þar.”

Nánar á fótbolti.net.