Mars Aglow samveran verður í kvöld  5.  mars  kl. 19.30 í safnaðarheimili Landkirkju. Því miður féll febrúarfundurinn niður vegna veðurs – rauð viðvörun um allt land. Við stefnum að því að hafa mars fundinn á svipuðum nótum og febrúarfundurinn átti að vera.      Við munum eiga gott samfélag saman. Byrjum með hressingu,  syngum saman  og  heyrum uppörvandi boðskap. Lilja Óskarsdóttir mun tala til okkar  og verður áhugavert að heyra í henni. Lilja er kennari og hjúkrunarfræðinur og hefur starfað víða m.a. verið kristniboði í Afríku.  Lilja ætlar að tala um opinn himinn.

Fyrir því læt ég ekki hugfallast. Jafnvel þótt minn ytri maður hrörni þá endurnýjast dag frá degi minn innri maður. Erfiðleikar mínir eru skammvinnir og léttbærir í samanburði við hina eilífu dýrð sem yfirgnæfir allt. Ég horfi ekki á hið sýnilega heldur hið ósýnilega. Hið sýnilega er stundlegt en hið ósýnilega eilíft. 2. Korintubréf 4.16 – 18

Núna um helgina var útsending á netinu frá samkomum víða um heiminn í 25 tíma og var áhugavert að heyra frá hinum kristnu frá öllum heimsálfum. Umfjöllunin um hina ofsóttu kirkju var áhugaverður og gaman að sjá og heyra efni frá öllum heimsálfum. Hægt er skoða efnið á gather25.com og gather25  á You tube.

Allar konur velkomnar á í kvöld  og  veðrið er gott.

Næstu Aglow fundir;  5. mars, 2. apríl og 7. maí 2025