Einstök náttúruupplifun með Ribsafari

Ribsafari hefur á síðustu árum fest sig í sessi sem einn af vinsælustu afþreyingarkostum ferðamanna í Vestmannaeyjum. Með ferðunum hjá Ribsafari fá gestir tækifæri til að sigla á hraðbát við Vestmannaeyjar og skoða þá einstöku náttúru sem þær hafa upp á að bjóða. Eyþór Þórðarson, einn af eigendum Ribsafari, hefur stýrt rekstrinum frá árinu 2019. Hann segir það vera náttúruna og fuglalífið sem geri upplifunina svo einstaka. „Það sem gerir Ribsafari einstakt og frábrugðið öðru er það hversu nálægt þú kemst náttúrunni og fuglalífinu, fólk bara trúir þessu ekki, þeim þykir þetta svo magnað. Það að fá að sjá fuglana í svona miklu návígi og komast inn í hella er auðvitað ólýsanleg tilfinning og við Eyjamenn gleymum oft hvað eyjan okkar er mikil perla“, segir Eyþór.

Að sögn Eyþórs hefur sumarið farið rólega af stað, eins og oft áður, en hann er þó bjartsýnn á framhaldið. Ribsafari bíður upp á einna og tveggja klukkustunda ferðir. Í klukkustundar ferðinni er farið við út í smáeyjarnar sem eru nálægt Heimaey og kíkt inn í hella sem að engir bátar nema Ribsafari komast inn í, eins og Ægisdyr og Kafhellir. Einnig er kíkt á lundann í sínu náttúrulega umhverfi, ásamt öðru fuglalífi. Í tveggja klukkustunda ferðunum gefst fólki einnig að fá þá upplifun, ásamt auka upplifun og tíma. Farið á fleiri staði eins og Stafsnesið, úteyjarnar skoðaðar og jafnvel farið alveg út í Súlnasker sem er algjör paradís. Ribsafari bíður einnig upp á einkaferðir, lúxusferðir og sérsniðnar ferðir eins og fyrir gæsunar- og steggja hópa. Í dag starfa 15 manns hjá Ribsafari, og leggur Eyþór áherslu á mikilvægi þeirra. „Ég er gríðarlega stoltur af starfsfólkinu okkar. Þau leggja sig fram á hverjum einasta degi og við erum ótrúlega þakklát fyrir þau því án þeirra gætum við þetta ekki“, segir Eyþór að lokum.

Nýjustu fréttir

Áhugavert

Viðgerð Herjólfs dregst fram í júlí

Fréttatilkynning

Standa þarf vörð um hafrannsóknir

Laxey

Stórseiðahús reist á aðeins tíu mánuðum

Sjávarútvegur

Hafró leggur til minni þorskkvóta en mikla aukningu í loðnu

Aðsend grein

Leiðin liggur á Eyjuna fögru

Áhugavert

Enn að eftir 40 ár sem blaðamaður

Samgöngur

Dýpkun í Landeyjahöfn sett á bið vegna mikillar siglingaumferðar

Áhugavert

Sjómannakaffið – ÍBV-stelpurnar tóku við keflinu

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki