ÞESAL – Partýljón, teiknimyndir, djamm og djús

Ritstjórn

frettir@eyjafrettir.is

„Ekki síðast og ekki síst kynnum við poppbandið ÞESAL sem er ekki hefðbundin hljómsveit, heldur upplifun sem minnir á sýrutripp,“ segir í tilkynningu frá Hljómey, sem býður í fjórðja sinn upp á einstaka tónlistarveislu í Vestmannaeyjum þar sem rjóminn af íslensku tónlistarfólki kemur fram. Flestir tónleikanna fara fram í heimahúsum.

Hljómsveitin ÞESAL hefur tengingu við Vestmannaeyjar, því ein aðalsprautan, Ómar Vídó, er ættaður frá Eyjum, sonur Sigga Vídó og Berglindar Ómarsdóttur.

„Það er teiknimyndageimveran Marens sem stýrir ferðinni með geimskipinu sínu og handteiknuðum „visuals“. Bandið sérhæfir sig í grípandi hljómheimum, húmorískum textasmíðum og rafmagnaðri sviðsorku. Bandið er skipað þremur „professional“ partýljónum sem eru ófeimin við að blanda saman tónlist, teiknimyndum, djammi og djúsi í eina risastóra kjarnorkupartýsprengju! ÞESAL lofar stemningu, geggjaðri danstónlist og besta djamm sem Vestmannaeyjar hafa upp á að bjóða,“ segir í kynningu Hljómeyjar.

Í hljómsveitinni eru þau Ómar Vídó, Kata Backmann og Guðmundur Elí. Hvert þeirra á sitt teiknimyndasjálf sem klæðist ávallt sama litnum: Ómar grænum, Kata rauðum og Guðmundur bláum. „Þetta er partur af okkar hljómsveitar-identity,“ segir Kata í viðtali við RÚV.

Nýjustu fréttir

Íþróttir
TM mótið hefst á morgun
Aðsent
Afmælisdagarnir gáfu ömmunni milljónir
Áhugavert
Koddaslagur systranna skilaði 500 þúsund til Krabbavarnar
Úr blaði Eyjafrétta
Sjómennskan í blóðinu nýtist í tónlistinni
Áhugavert
Grípa þarf hjálpina þegar hún býðst
Áhugavert
Næsta skref hjá Eyjagöngum: Borinn kominn á Landeyjasand
Stjórnmál
Skipað í ráð og nefndir Vestmannaeyjabæjar
Áhugavert
„Fjörutíu árum síðar – með þakklæti til FÍV“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.