Skólahald í Grunnskóla Vestmannaeyja var fellt niður í morgun vegna öskufallsins. Kaldhæðni örlaganna eru þau að í dag áttu að hefjast svokallaðir Sólskinsdagar en sólin nær varla að skína í gegnum öskuskýið. Í pósti sem Fanney Ásgeirsdóttir sendir á foreldra grunnskólabarna segir aðstæður til skólahalds séu slæmar, bæði utandyra sem innandyra því allir gluggar skólabygginganna tveggja verða að vera lokaðir og slökkva verður á loftræstingu. Því verður fljótt þungt og óheilnæmt loft í skólanum.