Umhverfis- og skipulagsráð Vestmannaeyja hefur samþykkt að kynna á vinnslustigi tillögu að breytingu á deiliskipulagi vegna fasteignarinnar við Strandveg 63.

Það er Jóhann Halldórsson fyrir hönd félagsins Island rent KJT ehf. sem sækir um breytinguna. Samkvæmt erindinu felst hún meðal annars í því að heimilt verði að hækka bygginguna úr tveimur hæðum í fjórar.

Jafnframt er gert ráð fyrir að byggingarreitur og hámarksbyggingarmagn aukist verulega, eða úr 348 fermetrum í 691,6 fermetra samkvæmt meðfylgjandi gögnum.

Í niðurstöðu ráðsins kemur fram að samþykkt hafi verið að kynna tillöguna á vinnslustigi samkvæmt skipulagslögum. Málinu hefur verið vísað áfram til bæjarstjórnar til frekari afgreiðslu. Áhugasamir geta kynnt sér fyrirhugaða breytingu nánar hér.