Handboltakonan Alexandra Ósk Viktorsdóttir hefur framlengt samning sinn við ÍBV og mun leika með liðinu út tímabilið 2027/2028. ÍBV greindi frá á samfélagsmiðlum sínum fyrr í dag.

Í tilkynningu ÍBV segir ,,Alexandra er með þeim efnilegustu leikmönnum félagsins og hefur verið fastur partur af yngri landsliðum Íslands í handbolta, þar sem hún hefur tekið þátt í verkefnum með u-16, u-18 og u-20 ára landsliðum. Hún sameinar metnað, vinnusemi og mikla reynslu þrátt fyrir ungan aldur og er mikilvægur hluti af framtíð ÍBV”.

Alexandra er 18 ára gömul og leikur í hægra horninu. Hún hefur skorað 66 mörk í 16 leikjum með ÍBV í Olís deildinni í vetur.