Að gefnu tilefni vill meirihluti bæjarstjórnar taka fram eftirfarandi:
Um auglýsingar og ráðningar í stöður mannauðsstjóra og fjármálastjóra Vestmannaeyjabæjar gilda þær vinnureglur sem unnið hefur verið eftir á þessu kjörtímabili, í samræmi við samstarfsamning E- og H lista.

Allar stöður eru auglýstar, þar meðtalin öll sumarstörf. Í stjórnendastöður, þ.e. stöður framkvæmdastjóra og forstöðumanna með mannaforráð, er ráðið með milligöngu ráðningarskrifstofa sbr. stöðu hjúkrunarforstjóra nú nýverið.

Forstöðumenn/framkvæmdastjórar ráða svo í aðrar stöður að undangengnum auglýsingum og mati á umsóknum. Ef þeir telja sig þurfa aðstoð við úrvinnslu og mat á umsækjendum leita þeir ráðgjafar til ráðningarskrifstofa. Hvorki mannauðsstjóri né fjármálastjóri hafa mannaforráð og eru því ekki stjórnendastöður skv. ofangreindri vinnureglu.

Bæjarfulltrúar E- og H lista
Elís Jónsson
Íris Róbertsdóttir
Jóna Sigríður Guðmundsdóttir
Njáll Ragnarsson