Árshátíð aflýst, út að borða í staðinn
22. september, 2020

Árshátíð Vinnslustöðvarinnar er aflýst vegna veirufaraldursins. Samkoman hefði að öllu eðlilegu verið núna í október með annáluðum glæsibrag; dýrindis mat, skemmtiatriðum, dansi og herlegheitum í góðum félagsskap – allt í boði fyrirtækisins handa starfsmönnum og mökum þeirra.

Skarðið sem árshátíðin skilur eftir sig í ár verður auðvitað ekki fyllt en svona gerist á síðustu og verstu farsóttartímum. Góðu fréttirnar eru hins vegar þær að Vinnslustöðin færir hverjum starfsmanni sínum ávísun upp á tíu þúsund krónur og með henni er hægt að greiða fyrir mat á þremur veitingastöðum í Eyjum: Einsa kalda, Gott eða Tanganum.

Vinnslustöðin býður þannig starfsmönnum sínum út að borða í sárabótarskyni en hvetur þá jafnframt til þess að fara ekki saman í stórum hópum og ganga hægt um gleðinnar dyr.

„Við höfum fengið ótrúlega jákvæð og góð viðbrögð frá starfsmönnum og reyndar í bæjarfélaginu yfirleitt. Fólk er afar þakklátt fyrir ákvörðun fyrirtækisins og skilur vel að ekki er mögulegt að efna til árshátíðar í ástandinu sem ríkir því miður í þjóðfélaginu um þessar mundir,“  segir Lilja Björg Arngrímsdóttir sviðsstjóri mannauðs- og lögfræðisviðs Vinnslustöðvarinnar.

Facebook
X
LinkedIn
Pinterest
Reddit
Email
Print
Skoða blaðið á netinu
Forsida 5 Tbl EF
5. tbl. 2025

NÝBURAR

76e2af77 02d9 48eb B73a 24c32e2403ac
4. janúar 2025
Drengur
Landspítalinn, Reykjavík.
Katrín Rós Óðinsdóttir og Sæþór Örn Garðarsson.
Mest lesið
viðburðir
DSC 2106
8. júní 2025
13:00
Golfdagurinn í Eyjum
Tónleikar Kórs Vídalínskirkju í Landakirkju
8. júní 2025
17:00
Tónleikar Kórs Vídalínskirkju
Landakirkja
Fylgstu með

Skráðu þig á fáðu nýjustu tilkynningar fyrst

Eyjafréttir
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.