Vestmannaeyjabær og Eyjaskokk hafa gert með sér samstarfssamning vegna The Puffin Run og Vestmannaeyjahlaupsins. Var samningurinn undirritaður þann 30. apríl sl. af Írisi Róbertsdóttur, bæjarstjóra, Sigmari Þresti Óskarssyni og Magnúsi Bragasyni, fulltrúum Eyjaskokks.

The Puffin Run er utanvegahlaup í byrjun maí í fallegu umhverfi Vestmannaeyja og í ár fer það fram næstkomandi laugardag. 1400 þátttakendur eru skráðir sem er metþátttaka. Vestmannaeyjahlaupið fer síðan fram í september. Markmiðið með samningnum er að styðja við heilsueflandi samfélag, kynna það sem Vestmannaeyjar hafa upp á að bjóða og lengja ferðaþjónustutímabilið, segir í tilkynningu á vef Vestmannaeyjabæjar.