Baráttusigur á FH stúlkum
Mynd úr safni.

ÍBV fékk FH stúlkur í heimsókn í 11. umferð Pepsi-deildarinnar nú í kvöld.

Eyjastúlkur voru mun sterkari í upphafi leiks og leiddu leikinn með tveimur mörkum gegn engu eftir engöngu 9 mínútna leik. Eftir mörk frá Sigríði Láru Garðarsdóttur á 4. mín og Cloé Lacasse á þeirri 9. Cloé var svo aftur á ferðinni á 32. mínútu og kom ÍBV í 3-0. Þannig stóð í hálfleik.

Í síðari hálfleik gáfu FH stúlkur í og skoruðu þær Þóra Björk Eyþórsdóttir og Rannveig Bjarnadóttir sitt hvort markið fyrir FH. Eyjastúlkur stóðust þó áhlaupið þó ekki hafi mikið vantað uppá á stundum. Lokastaðan ÍBV 3-2 FH.

„Við vor­um miklu sterk­ari en þær í fyrri hálfleik og átt­um að vera bún­ar að ganga frá leikn­um þar. Við átt­um enda­laust af fær­um og hefðum getað skorað fimm, sex, sjö eða átta mörk. Þrjú mörk á samt að vera nóg til að vinna fót­bolta­leik, þetta var allt annað en á móti KR. Seinni hálfleik­ur­inn var fínn fram að fyrsta mark­inu sem þær skora, við viss­um al­veg að þær myndu pressa á okk­ur til að koma sér aft­ur inn í leik­inn, svo gerðist svipað og á móti KR, það kom tíu mín­útna kafli þar sem við gerðum mjög mikið af mis­tök­um. Heilt yfir er ég þó ánægður með sig­ur­inn,“ sagði Ian í viðtali við mbl.is eftir leikinn í kvöld.

Eftir leikinn sitja FH stúlkur því áfram á botni deildarinnar með 6 stig. ÍBV siglir heldur lygnan sjó um miðbik deildarinnar í 5. sæti með 14 stig.

Nýjustu fréttir

Fréttir
Spurt og svarað: Rannveig frá Sjálfstæðisflokknum
Aðsend grein
Fólkið okkar og framtíðin
Íþróttir
ÍBV tapaði heima í einvíginu gegn Haukum
Samgöngur
Óþolandi óvissa með samgöngur til Vestmannaeyja
Fréttir
Fyrirliðinn lék sinn 300. deildarleik
Aðsent
Baldur leysir Herjólf af
Áhugavert
Eyjafréttir standa við „samsuðuna“
Samgöngur
Vonast til að dýpkun hefjist á fimmtudag
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.