Á morgun, tíunda apríl hefst keppnin í Bestu deild karla í knattspyrnu. ÍBV hefur leik á útivelli gegn Val og fyrsti heimaleikurinn á tímabilinu er gegn KA laugardaginn 15. apríl.

Það er sérstakt til þess að hugsa að fótboltinn sé að rúlla af stað í ljósi þess fyrir fáeinum dögum var ökkladjúpur snjór yfir öllu á Heimaey. ÍBV liðið virðist koma vel undan vetri ef marka má framgöngu liðsins í Lengjubikarnum en ÍBV komst í undanúrslit A-deildar Lengjubikarsins eftir að strákarnir unnu alla fjóra leiki sína í riðlinum.

Þar mættu ÍBV strákarnir KA í undanúrslitum og féllu að lokum út í vítaspyrnukeppni.

Eyjafréttir tóku hús á þjálfara og fyrirliða liðsins auk þess að kynna leikmannahópinn fyrir lesendum í síðasta blaði Eyjafrétta.

ÍBV í leik gegn Stjörnunni síðasta sumar.

Mynd Sigfús Gunnar.