- Eyjafréttir
- ·
- Fréttir
- ·
Bílskúrshurð fauk upp
Rétt fyrir klukkan 23 í kvöld var Björgunarfélag Vestmannaeyja kallað út vegna óveðurs sem nú gengur yfir landið. Bílskúrshurð við Vesturveg 19 fauk upp í rokinu, ekki er vitað til þess að frekari skemmdir hafi orðið. Meðfylgjandi mynd tók �?skar Pétur Friðriksson, ljósmyndari Eyjafrétta.
Samkvæmt Veðurstofu Íslands mun suðaustan rokið vera á bilinu 20-28 metrar á sekúndu. Stormurinn gengur yfir landið í nótt með snjókomu, slyddu eða rigningu. Búast má við miklum vindhviðum við fjöll, allt að 40-50 metrum á sekúndu. Veðrinu fylgir talsverð úrkoma á suðaustanverðu landinu.
