Ráðgjafarnefndin, sem skipuð er fulltrúum Skaftafellsþjóðgarðs, Skaftárhrepps og Kirkjubæjarstofu hefur starfað að undirbúningi skipulagstillögu frá því sl. haust. Til verksins var ráðin Ulla R. Pedersen, landslagsarkitekt.

Ráðstefnan hefst með ávarpi Umhverfisráðherra Jónínu Bjartmarz. Á ráðstefnunni verða kynnt drög að tillögu um breytingar á aðalskipulagi og tillögur að deiliskipulagi vegna þjónustustöðvar. Meðal annars efnis verður kynnt vinna við könnun þolmarka skipulagssvæðisins, aðgengi og vegtengingum, sjónarmið og væntingar ferðaþjónustuaðila í Skaftárhreppi, náttúrufar og náttúruminjar, þjóðgarður og heimabyggð og væntingar og framtíðarsýn.

Ráðstefnan er öllum opin og aðgangur er ókeypis. Dagskrá ráðstefnunnar má finna á vef Umhverfisstofnunar www.ust.is