Það styttist í Öskudaginn og eflaust margir krakkar og foreldrar farnir að huga að búningum fyrir daginn.

Bókasafn Vestmannaeyja hefur brugðið á það ráð að setja upp skemmtilegan búningaskiptimarkað til að auðvelda undirbúning fyrir daginn.

Markaðurinn er hugsaður sem einföld og umhverfisvæn leið fyrir fjölskyldur og einstaklinga til að endurnýta búninga fyrir hátíðina. Hægt er að koma með búninga sem ekki eru lengur í notkun og gefa þeim nýtt líf hjá öðrum, eins er hægt að fá nýja búninga í staðinn.

Skiptimarkaðurinn verður opinn fram að Öskudegi.