Eyjakonan Díana Dögg Magnúsdóttir og tilvonandi leikmaður ÍBV, Andrea Jacobsen urðu þýskir meistarar í dag með félagsliði sínu, Blomberg-Lippe, eftir sigur á Dortmund í oddaleik. Staðan í einvíginu fyrir leikinn var 1-1 og því um hreinan úrslitaleik að ræða.

Fyrri hálfleikurinn var nokkuð jafn en Blomberg leiddi með einu marki í hálfleik, 13-12. Blomberg tók öll völd á vellinum í síðari hálfleik og unnu að lokum með fjórum mörkum. Lokatölur leiksins 30-26.

Díana Dögg skoraði fjögur mörk í leiknum og Andrea Jacobsen þrjú. Þetta er í fyrsta skipti sem Blomberg-Lippe verður þýskur meistari en þær töpuðu í úrslitum í fyrra. Fyrr í vetur urðu þær deildarmeistarar.

Eyjafréttir óska stelpunum til hamingju með árangurinn.