Dómkórinn í Reykjavík hélt tónleika í safnaðarheimili Landakirkju í gær, laugardaginn 9. maí. Á efnisskrá var tónlist af ýmsum toga, íslensk og erlend, allt frá Palestrina og Grieg, til Hjálmars H. Ragnarssonar og Oddgeirs Kristjánssonar.

Flutningurinn vakti góð viðbrögð áheyrenda. Með kórnum lék Kitty Kovács á píanó og stjórnandi var Eyjamaðurinn Matthías Harðarson dómorganisti.

Tónleikarnir voru haldnir á vegum Dómkórsins í Reykjavík og var aðgangur ókeypis.