Hin 33 ára gamla Tove Alexandersson, ein allra fremsta hlaupakona heims, er stödd í Vestmannaeyjum um þessar mundir en hún ásamt ofurhlauparanum Idu Hylander hlupu The Puffin Run hringinn í gær. Var þetta liður í undirbúningi hennar fyrir Laugavegshlaupið sem fer fram 11. júlí næstkomandi.

Alexandersson er ein allra fremsta utanvegahlaupakona heims og situr á toppi heimslista ITRA. Hún er einnig ríkjandi heimsmeistari í utanvegahlaupum og hefur unnið tæplega 30 heimsmeistaratitla í rathlaupi og skíðarathlaupi.