Sjómannskonan Margrét Sara Laufdal Stefánsdóttir hefur orðið:

Aldur? 29 ára.

Atvinna? Ég vinn í þjónustukjarnanum á Strandvegi og er nemi í félagsráðgjöf við Háskóla Íslands en er í fæðingarorlofi eins og er.

Fjölskylda? Sambýlismaðurinn minn heitir Birgir Davíð Óskarsson og er fæddur árið 1996. Saman eigum við tvö börn þau Grétar Inga sem er að verða tveggja ára og Kolbrúnu Söru sem er 5 mánaða. 

Hversu lengi hefur þú verið sjómannsfrú? 4 ár.

Á hvaða skipi er maki þinn? Þórunni Sveins.

Kynnist þið þegar maki er á sjó? Já

Hefur maki þinn alla ykkar tíð verið á sjó? Já hann er búinn að vera á sjó síðan við kynntumst.

Hvernig hefur gengið að samræma sjómennsku og fjölskyldulíf? Það hefur gengið vel hingað til. Ég tel mig hinsvegar vera einstaklega heppna með fjölskyldu og tengdafjölskyldu. Þar sem álagið getur verið mikið að vera sjómannsfrú með tvö lítil börn þá er ómetanlegt að eiga góða að til þess hjálpa til og létta undir þegar þess þarf.

Helstu kostir sjómennskunnar? Ég myndi segja að það væru gæðastundirnar með fjölskyldunni sem við fáum þegar Birgir er í fríi.  

Helstu gallar sjómennskunnar? Fjarveran sem henni fylgir.

Eruð þið með hefð um sjómannahelgina? Já heldur betur. Hefðin hingað til hefur verið sú að ég sé ólétt á sjómannadaginn, sú hefð hefur verið lögð niður í bili!

Eitthvað að lokum? Ef einhver vill ráða Birgi í vinnu í landi þá megið endilega senda á mig línu, nei, nei segi svona.