- Eyjafréttir
- ·
- Fréttir
- ·
Elliði í liði mánaðarins í þýsku úrvalsdeildinni
Elliði Snær Viðarsson hefur leikið einstaklega vel með Gummersbach á sínu fyrsta keppnistímabili á ferlinum í efstu deild þýska handknattleiksins. Segja má að Eyjamaðurinn hafi kórónað frábært keppnistímabil í leikjum með Gummersbach í maí og hreinlega farið á kostum.
Frammistaðan skilaði Elliða Snæ sæti úrvalsliði þýsku 1. deildarinnar fyrir maímánuð. Þar af leiðandi stendur valið á milli hans og annarra sem í liðinu þegar kemur að vali á leikmanni mánaðarins í þýsku 1. deildinni en lesendur geta lagt Eyjamnninum lið í kjörinu á heimasíðu deildarkeppninni – hlekkur hér.
Aðeins þarf að smella á myndina af Elliða og slá talnarunu sem birtist á skjánum.
Elliði Snær skoraði ekki aðeins 21 mark í fjórum leikjum Gummersbach-liðsins í maí heldur var skotnýting hans 87,5% auk þess sem hann fór á kostum í vörninni en varnarleikur hefur löngum verið sérgrein Elliða Snæs sem er ljúka sínu þriðja keppnistímabili í Þýskalandi, þar af því fyrsta í efstu deild.
Handbolti.is greindi frá
