„Elsku vinir, þá liggur þetta fyrir og ég held að fólk eigi von á geggjuðum tónleikum. Við erum afar sátt með listafólkið sem verður með okkur. Ekki missa af þessum einstaka viðburði,“ segir Bjarni Ólafur Guðmundsson sem ætlar ásamt Guðrúnu Marý Ólafsdóttur, konu sinni að slá í 14. Eyjatónleikana í Hörpunni í janúar.

Þetta kemur fram á FB-síðu Bjarna Ólafs. „Elsku frænka mín Elva Ósk ætlar að kynna með mér og hver veit? Þessa fallegu Þjóðhátíðarmynd á Friðrik Björgvinsson. Miðasala hefst mánudaginn 2. október. Tryggðu þér uppáhalds sætið þitt strax, svo enginn taki það frá þér. Þið megið endilega deila þessu með ættingjum og vinum. Takk elsku vinir fyrir tryggðina og alla gleðina,“ segir Bjarni Ólafur.