Framundan eru tveir leikir hjá ÍBV gegn portúgalska handknattleiksliðinu Colegio de Gaia í fyrstu umferð Evrópubikarkeppni kvenna í handknattleik. Fyrri viðureignin fer fram síðdegis í dag en sú síðari á laugardaginn í Vila Nova de Gaia við norðaustur strönd Portúgal, nánast í túnfætinum á Porto.

Colegio de Gaia hefur farið afar vel af stað í portúgölsku úrvalsdeildinni og situr í efsta sæti með fullt hús stiga að loknum þremur umferðum. Fyrri viðureignin fer fram klukkan 18.30 í dag og sú síðari klukkan 17 á laugardag. Ef upplýsingar berast um streymi frá leikjunum segir handbolti.is frá því.

Ekki liggja fyrir upplýsingar um streymi á leikinn að svo stöddu en ef fréttir berast af því þá geta áhugasamir fylgst með á facebook síður ÍBV.