Íslandsmótið í CrossFit var haldið í sjötta sinn um helgina en mótið fór fram í íþróttahúsinu Digranesi í Kópavogi. Eins og svo oft áður þá átti CrossFit Eyjar þó nokkra fulltrúa á mótinu sem komust á verðlaunapall. Huginn Egilsson hafnaði í öðru sæti í flokki 45-49 ára, Elías Árni Jónsson varð þriðji í flokki 40-44 ára en Magnús Gíslason fimmti. Í flokki 50 ára og eldri hafnaði Gísli Foster Hjartarson í þriðja sæti. Í flokki 45-49 ára kvenna var Ingibjörg Jónsdóttir í þriðja sæti og Jóhanna Jóhannsdóttir í fjórða sæti. Glæsilegur árangur hjá okkar fólki.