Eyjafréttir og Eyjar.net sameinast
DSC_0840
Tryggvi Már Sæmundsson, Trausti Hjaltason og Ómar Garðarsson. Eyjar.net/Óskar Pétur

Tímamót urðu í sögu fjölmiðlunar í Vestmannaeyjum í dag þegar tveir rótgrónustu miðlar bæjarins, Eyjar.net og Eyjafréttir sameinuðust.

Með því gengur félagið ET miðlar inn í Eyjasýn og var samruninn samþykktur á aðalfundi Eyjasýnar í dag.

Ritstjórn verður sameiginleg, sem Ómar Garðarsson og Tryggvi Már Sæmundsson stýra. Blaðið Eyjafréttir verður gefið út með sama fyrirkomulagi og verið hefur. Eyjar.net og Eyjafréttir.is sameinast í öflugum fréttamiðli, eyjafrettir.is/eyjar.net. Í stjórn Eyjasýnar eru Trausti Hjaltason formaður, Kári Bjarnason og Gígja Óskarsdóttir. Hafa Trausti og Tryggvi Már leitt sameininguna.

Sextíu ára saga

Fyrsta blað Frétta, eins og blaðið hét í upphafi leit dagsins ljós 28. júní árið 1974 og fagnar því 50 ára afmæli í sumar sem verður minnst á Goslokahátíð. Voru Fréttir fríblað og dreift í verslanir. Tímamót verða árið 1992 þegar Fréttir verða áskriftarblað og hafa verið síðan. Eyjafrettir.is hófu göngu sína 6. júlí árið 2000.

Grunnur Eyjar.net nær aftur til ársins 2007, en Tryggvi Már hefur rekið vefsíðuna undanfarinn áratug. Saman spannar því saga Eyjafrétta og áratugur Tryggva hjá Eyjar.net sextíu ár.

Til verður öflug fréttaveita

Miklar breytingar hafa orðið á fjölmiðlun, ekki síst með tilkomu samfélagsmiðla. Á netinu hafa bæði Eyjar.net og Eyjafréttir staðið vaktina af myndarskap en með sameiginlegum miðli verður til öflug fréttaveita sem á eftir að bæta þjónustu og aðlagast enn frekar nýrri tækni og nýta möguleika sem hún býður upp á. Þá verða vefsíðurnar uppfærðar á næstu vikum og munu lesendur finna fyrir ýmiskonar betrumbótum á komandi vikum.

Hugsað til að efla miðilinn enn frekar til að fjalla um málefni af fagmennsku og dýpt

Trausti Hjaltason er formaður stjórnar Eyjasýnar:

„Ég er virkilega ánægður að fá Tryggva Má til liðs við okkur og að geta sameinað þessa rótgrónu miðla í enn öflugri miðil. Tryggvi Már hefur strax látið til sín taka í umræðunni um framtíð miðilsins og ég er sannfærður um að hann komi með ferskan blæ og reynslu inn í starfsemina. Okkar tryggu áskrifendur sem eru okkur svo mikilvægir munu vonandi taka þessum breytingum vel, enda hugsaðar til að efla miðilinn enn frekar til að fjalla um málefni af fagmennsku og dýpt. Það er einlæg von mín að Eyjamenn taki þessum breytingum vel og hvet ég alla til að gerast áskrifendur og styrkja þannig umfjöllun um Vestmannaeyjar.“ segir Trausti.

Saman getum við bætt fjölmiðlaumhverfið

„Það er mér sannur heiður að ganga inn í Eyjasýn á þessum tímapunkti. Þar er bæði reynsla og löng saga að baki. Saman tel ég að við getum bætt fjölmiðlaumhverfið í Eyjum, fremur enn í sitthvoru lagi. Ég hef í störfum mínum síðastliðin 10 ár sótt mér dýrmæta reynslu sem ég vona að nýtist sameinuðu félagi vel. Oft er talað um fjölmiðla sem fjórða valdið, og því munum við reyna að sinna af kostgæfni bæjarbúum til heilla.“ segir Tryggvi Már, stjórnarformaður ET miðla á þessum tímamótum.

Alltaf ríkt gagnkvæm virðing

„Það hefur alltaf ríkt gagnkvæm virðing milli okkar Tryggva og ég hlakka til samstarfsins. Saman getum við með góðu fólki gert eyjafrettir/eyjar.net að einum öflugasta netmiðli á landsbyggðinni. Einnig eru möguleikar á að láta fréttasíðuna og Eyjafréttir vinna saman þannig úr verði heild sem þjónar lesendum sem best,“ sagði Ómar.

Nýjustu fréttir

Stjórnmál
Íris ætlar að ganga í Sjálfstæðisflokkinn
Íþróttir
Arnór með fimm mörk í jafntefli Karlskrona
Stjórnmál
Rannveig Ís­fjörð sækist eftir 4. sæti í prófkjöri Sjálfstæðisflokksins
Sjávarútvegur
Systurskipin landa fullfermi
Áhugavert
Golfvöllurinn í Eyjum tilnefndur til alþjóðlegra verðlauna
Stjórnmál
Aníta sækist eftir 2. sæti í prófkjöri Sjálfstæðisflokksins
Stjórnmál
Enginn úr núverandi meirihluta gefur kost á sér áfram
Fréttir
Síðasti séns! Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.