Vestmannaeyingurinn Hrafnhildur Ýr Steinsdóttir er dúx Fjölbrautaskóla Suðurlands á nýliðinni vorönn. Fjölmennasta brautskráning í sögu skólans fór fram í gær og vegna umfangsins var athöfnin flutt í íþróttahúsið Iðu.

Frá þessu er greint á sunnlenska.is en alls útskrifuðust 155 nemendur af 13 námsbrautum, 103 stúdentar af bóknámsbrautum, 43 af öðrum brautum og 9 af verknámsbrautum með stúdentsprófi.

Bókaverðlaun voru afhent fyrir einstakar námsgreinar og dreifðust á marga nemendur en dúx skólans var Hrafnhildur Ýr með heildareinkunnina 9,85. Hrafnhildur Ýr og Jasson Sanchez hlutu námsstyrk frá Hollvarðasamtökum FSu, sem Sigþrúður Harðardóttir, stjórnarkona í samtökunum, afhenti.

Hrafnhildur Ýr er dóttir Maríu Rósar Friðriksdóttur og  Steins Þórhallssonar.

Af sunnlenska.is

https://www.sunnlenska.is/frettir/hrafnhildur-yr-duxadi-i-fsu/