- Eyjafréttir
- ·
- Fréttir
- ·
Eyjamenn einum sigri frá deildarmeistaratitlinum
Karlalið ÍBV í handbolta er í góðri stöðu eftir eins marks sigur á Stjörnunni í Olís-deild karla í kvöld, lokatölur 29:28.
Leikurinn í kvöld var jafn allan tímann en undir lokinn sigu Eyjamenn fram úr og náðu þriggja marka forystu. Stjörnumenn skoruðu hins vegar síðustu tvö mörk leiksins og minnkuðu muninn í 29:28 sem urðu lokatölur eins og fyrr segir.
Kári Kristján Kristjánsson var markahæstur í liði ÍBV með átta mörk. Aron Rafn Eðvarðsson varði 14 skot í markinu.
Eftir umferðina er ljóst að þrjú lið geta orðið deildarmeistarar, þ.e. ÍBV, Selfoss og FH en öll eru þau með 32 stig. Ef ÍBV sigrar Fram tryggir liðið sér deildarmeistaratitilinn sama hvernig fer í hinum leikjun þar sem ÍBV stendur betur að vígi í innbyrðisviðureignum þessara þriggja liða.
Eins og greint var frá fyrr í kvöld þá skrifaði Erlingur Richardsson undir þriggja ára samning við ÍBV sem tekur gildi í sumar.
– Myndir
