Vegagerðin og Vestmannaeyjabær stóðu fyrir opnum íbúafundi í Höllinni í gær þar sem fjallað var um stöðu Landeyjahafnar, þær áskoranir sem upp komu í vetur og árangur dýpkunarframkvæmda undanfarin ár.

Á fundinum voru einnig kynntar frumniðurstöður úr rannsóknarverkefni danskra sérfræðinga hjá DHI A/S sem unnið hafa að greiningu á sandburði og mögulegum úrbótum til að auka nýtingu hafnarinnar.

Meðal frummælenda voru Eyjólfur Ármannsson innviðaráðherra, Bergþóra Þorkelsdóttir forstjóri Vegagerðarinnar, Fannar Gíslason forstöðumaður hafnadeildar Vegagerðarinnar og Kjartan Elíasson sérfræðingur á hafnadeildinni.

Hér að neðan má sjá upptöku af fundinum í heild sinni fyrir þá sem ekki áttu heimangengt eða vilja kynna sér umræðurnar nánar. Ljósmyndari Eyjafrétta var á staðnum og má sjá myndasyrpu hans fyrir neðan upptökuna.