Karlalið ÍBV í handknattleik mætir ÍR á útivelli í 16-liða úrslitum Powerade-bikarsins í kvöld, föstudaginn 9. október. Leikurinn fer fram í Skógarseli í Reykjavík og hefst klukkan 18:45.

ÍBV leikur í Olísdeildinni en ÍR í Grill 66 deildinni. ÍR-ingar hafa farið vel af stað í deildarkeppninni í haust og unnið fyrstu fjóra leiki sína.

Þótt liðin leiki í sitt hvorri deildinni er ljóst að Eyjamenn þurfa að hafa fyrir hlutunum ætli þeir sér áfram í bikarkeppninni. Þar gildir einfalt lögmál, sigurvegarinn heldur áfram en tapliðið er úr leik.

Sigur í kvöld myndi tryggja ÍBV sæti í átta liða úrslitum Powerade-bikarsins. ÍR – ÍBV hefst klukkan 18:45 í Skógarseli í Reykjavík.