Karlalið ÍBV í fótbolta vann afar mikilvægan 1-4 sigur gegn Þór í tíundu umferð Bestu deildar karla á Akureyri í dag. Var þetta fyrsti leikur liðanna eftir tveggja vikna landsleikjahlé. 

Eyjamenn byrjuðu leikinn frábærlega og voru komnir í 0-3 eftir 24 mínútur. Bjarki Björn Gunnarsson kom ÍBV yfir á 12. mínútu eftir undirbúning Vicente Valor. Bjarki var aftur á ferðinni tíu mínútum síðar og þá eftir sendingu frá fyrirliðanum Alex Frey Hilmarssyni. Aðeins þremur mínútum síðar kom Sesar Örn Harðarson Eyjamönnum í 0-3 eftir sendingu inn fyrir frá Bjarka Birni sem er búinn að vera frábær í síðustu tveimur leikjum. Eyjamenn leiddu með þremur mörkum í hálfleik.

Þórsarar minnkuðu muninn seint í síðari hálfleik, á 81. mínútu, með frá Ágústi Eðvaldi Hlynssyni. Eyjamenn svöruðu því og gerðu endanlega út um leikinn mínútu síðar. Hermann Þór Ragnarsson kom þá boltanum á Omar Sowe sem kom sér í skotfæri. Skotið breytti um stefnu eftir viðkomu varnarmanns Þórs og þaðan í markið. Lokatölur leiksins 1-4 og ÍBV með sinn annan sigur í deildinni í sumar.

Með sigrinum komst ÍBV upp fyrir Þór og sitja nú í tíunda sæti með átta stig. Þórsarar er í sætinu fyrir neðan með sex stig. Annar leikur fór fram í dag þar sem Keflavík tók á móti FH og bar FH sigur úr býtum, 1-2. 

Þór 1 – 4 ÍBV

0-1 Bjarki Björn Gunnarsson (’12)

0-2 Bjarki Björn Gunnarsson (’21)

0-3 Sesar Örn Harðarson (’24)

1-3 Ágúst Eðvald Hlynsson (’81)

1-4 Ásbjörn Líndal Arnarsson (’82 , sjálfsmark)