ÍBV og KR áttust við í 14. umferð Bestu deildar karla á Meistarvöllum í kvöld þar sem KR fór með 5-2 sigur af hólmi. 

Eyjamenn byrjuðu leikinn nokkuð vel en Omar Sowe kom þeim yfir á fjórðu mínútu leiksins með góðu skoti fyrir utan teig. KR ingar svöruðu með tveimur mörkum. Aron sigurðarson jafnaði fyrir KR þegar hann skoraði af vítapunktinum eftir 25 mínútna leik og Arnór Yngvi Traustason kom þeim yfir eftir laglegt samspil. Staðan 2-1 í hálfleik.

KR gerðu nokkurn veginn út um leikinn snemma í síðari hálfleik er þeir skoruðu þrjú mörk á tíu mínútum. Aron Sigurðarson bætti við sínu öðru marki í leiknum og þriðja marki KR á 58. mínútu þegar hann skoraði beint úr aukaspyrnu. Orri Hrafn Kjartansson kom heimamönnum í 4-1 tveimur mínútum síðar með föstu skoti úr teignum og Eiður Gauti Sæbjörnsson setti fimmta mark KR á 68. mínútu. Vicente Valor klóraði í bakkann fyrir Eyjamenn þegar fimmtán mínútur voru eftir af venjulegum leiktíma með marki af vítapunktinum. Lokatölur leiksins 5-2. 

ÍBV situr áttunda sæti með 15 stig á meðan KR er í öðru sæti með 32 stig.

Úrslit kvöldsins í Bestu deild karla:

KR 5 – 2 ÍBV

Fram 6 – 1 Þór

KA 3 – 2 ÍA

20:05 FH – Valur

Mánudagur

19:15 Breiðablik – Keflavík