Undanúrslita-einvígi ÍBV og FH náði nýjum hæðum í dag, þegar fjórði leikur einvígisins fór fram. Allt var jafnt í leikslok og því þurfti að framlengja. Enn var jafnt eftir framlengingu og eftir aðra framlengingu var enn jafnt. Því þurfti vítakeppni til að skera úr um sigurvegara. Eyjamenn reyndust sterkari þar og nýttu öll sín vítaköst á meðan FH misnotaði tvö.

Það verður því hreinn úrslitaleikur milli liðana í Kaplakrika á sunnudaginn kemur. Óskar Pétur Friðriksson smellti meðfylgjandi myndum á meðan á leiknum stóð.