„Það lítur vel út með Landeyjahöfn á morgun, laugardaginn og á sunnudaginn þegar heim skal haldið þannig að ég er bjartsýnn á góða aðsókn,“ sagði Bjarni Ólafur Guðmundsson, tónleikahaldari um tónleikana, Töfrar í Herjólfsdal sem verða í Eldborgarsal Hörpu á laugardagskvöldið, 25. janúar.

„Þetta verða 14. tónleikarnir í röð en hvort þeir verða þeir síðustu veit ég ekki en við komum til með að hvíla okkur allavega í tvö ár. Eins og alltaf skörtum við hópi okkar besta listafólks og þar koma Vestmannaeyingar sterkir inn. Við vitum að kröfurnar eru miklar og munum standa undir þeim eins og alltaf. Það er að færast líf í miðasölu en enn er hægt að fá miða á góðum stað. Hlökkum til að sjá ykkur sem flest á laugardagskvöldið,“ sagði Bjarni Ólafur að lokum.