Ferðalagið gengur vel hjá Herjólfi - myndir
Mynd: Hilmar Snorrason

Herjólfur hin nýji yfirgaf Eyjar með miklum darraðardansi við krappa lægð nú í vikunni. Þar gaf sig spil sem átti að halda skipinu við bryggju. „Það voru hér upp und­ir 40 metr­ar í höfn­inni en þetta var ekk­ert stór­mál. Það þurfti bara að stökkva um borð, leysa ferj­una og færa hana. Sem við gerðum,“ seg­ir Guðbjart­ur Ellert Jóns­son, fram­kvæmda­stjóri Herjólfs, í sam­tali við mbl.is. „Hún hafði bankast aðeins þarna utan í en það var nú ekki að sjá að það væru nein­ar skemmd­ir.“

Í gær hafði Herjólfur viðkomu í Hafnafjarðarhöfn þar sem fram fór Björgunaræfing.  „Haldin var rýmingaræfing sem og æfingin skipið yfirgefið,“ segir Hilmar Snorrason skólastjóri Slysavarnarskóla Sjómanna á Facebook síðu sinni þar sem hann birti eftirfarandi myndir.

Í þessum orðum skrifuðum er Herjólfur á siglingu við Ísafjarðardjúp á leið sinni á Akureyri. Þar er gert ráð fyrir að skipið verði allt að átta daga á þurru. „Það á að fara yfir uggana framleiðandinn gerir það, skiptir um þéttingar og fóðringar. Það þarf að stilla, laga og yfirfara ýmsa hluti og verður sú vinna í höndum framleiðenda búnaðarins,“ sagði Guðbjartur Ellert Jónsson, framkvæmdastjóri Herjólfs í samtali við Eyjafréttir á dögunum.

Herjólfur III siglir nú í Landeyjahöfn sjö ferðir á dag þar til annað er tilkynnt segir á Facebooksíðu Herjólfs. Ölduspáin er upp og ofan næstu daga og er því rétt fyrir þá sem verða á farandsfæti næstu daga að fylgjast vel með hvert siglt er.

Nýjustu fréttir

Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Aðsent
40 ára aldursmunur á vinningshöfum
Aðsend grein
Hvert viljum við stefna?
Stjórnmál
Margrét Rós: „Ég er hvorki í fýlu né lít á mig sem tapara“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.