CNN fjallaði ítarlega um Vestmannaeyjar á vefsíðu sinni í gær en fyrirsögn greinarinnar er Heimaey: Íslenskur bær sem var frystur í tíma af eldfjalli. Eins og nafnið gefur til kynna er áherslan lögð á eldgosið 1973 og rifjað upp hvernig Eyjamenn flýðu eyjuna. Helga Jónsdóttir segir m.a. sögu sína og segir einnig frá kaffihúsi þeirra hjóna, hennar og Arnórs Hermannssonar, Vinaminni þar sem minningu Heimaeyjar fyrir gos er haldið á lofti. �?á er sagt frá Eldheimum og farið í bátsferð hringinn í kringum eyjuna. Með greininni fylgja upplýsingar um hvernig eigi að komast til Eyja þannig að Vestmannaeyjar fá mikla og góða auglýsingu á CNN í dag.