Í Vestmannaeyjum er boðið upp á fjaraugnlæknaþjónustu fyrir þá sem vilja koma í augnbotnaskoðun.  Nýr og fullkominn tækjabúnaður er í Vestmannaeyjum, en eins og nafnið segir er þetta fjarlækningaþjónusta og augnlæknir er því ekki staddur í Vestmannaeyjum. Sérþjálfaður starfsmaður í Eyjum tekur myndir sem eru skoðaðar af augnlækni sem staðsettur er í Reykjavík.

Einstaklingar með langvarandi augnvandamál geta nýtt sér þjónustuna, þar á meðal þeir sem eru með sykursýki, of háan blóðþrýsting, gláku og ellihrörnun í augnbotnum.

Sé um alvarlega augnsjúkdóma að ræða þarf að leita til Reykjavíkur til augnlæknis t.d. fólk með slæma gláku eða þegar fólk þarfnast sprautu í augun vegna alvarlegra augnvandamála.

Bendum á að þetta er alls ekki bráðaþjónusta.

Svo hægt sé að nýta sér þessa þjónustu þarf tilvísun frá heimilislækni.  Þegar hún er komin er hægt að panta tíma í síma 432-2500.

Á heimasíðu HSU eru gagnlegar og ítalegar upplýsingar um þessa og aðra þjónustu í Vestmannaeyjum. þær er einnig að finna hér neðar.

• Upplýsingar um fjaraugnlæknaþjónustuna
• Sykursýki og augu
• Gláka
• Ellihrörnun í augnbotnum