Fjölbreytt dagskrá Safnahelgar heldur áfram

Föstudagur 15. nóvember

Annar hluti Safnahelgar hefst í kvöld, 15. nóvember kl. 17:00 í Einarsstofu í Safnahúsi. Þar mæta stórkanónur á sýningarröðinni, Vestmannaeyjar í gegnum ljósopið mitt. Á þessari 10. ljósmyndasýningu sýna Jói Myndó, Sigmar Pálmason (Bói Pálma) og Halldór Sveinsson.

Í kvöld klukkan kl. 20:30 í Eldheimum mætir enginn annar en Halldór Einarsson (Henson) og kynnir  nýja bók sína. Halldór er með skemmtilegri mönnum og hefur víða komið við sem knattspyrnumaður og Valsari og sem athafnamaður. Verður örugglega gaman að sjá hann og heyra og ekki skemmir fyrir að hann var í Eyjum hjá ömmu og afa á yngri árum.

 

Laugardagur 16. nóvember

Það þykir alltaf tíðindum sæta þegar ný bók kemur út og enn frekar þegar um 60 ár skilja höfundana að. Það eru þau Sunna Einarsdóttir 15 ára og Sigurgeir Jónsson sem standa að bókinni Munaðarlausa stúlkan sem hann skrifar og hún myndskreytir.

Þau ætla að kynna bókina á morgun, laugardag 16. nóvember kl. 11:00 í Einarsstofu, Safnahúsi. Sigurgeir kynnir bókina og sýndar verða teikningar Sunnu.

Samhliða verður boðið upp á tónlistaratriði á vegum Tónlistarskóla Vestmannaeyja. Þar mætir Daníel Franz og syngur við eigin gítarundirleik.

Á sama stað kl. 13.00  fjallar Ragnar Jónsson á Látrum um spíramálið í Vestmannaeyjum á þjóðhátíð 1943 þegar níu manns létust eftir að hafa drukkið tréspíritus.

Strax á eftir erindi Ragnars fjallar Ragnar Óskarsson um Sigríðarslysið í Sagnheimum. Sigríður strandaði við Ofanleitishamar og kleif Jón Vigfússon, einn skipverja „ókleifan“ hamarinn og gerði viðvart. Björguðust allir úr áhöfn Sigríðar.

Á morgun laugardag,  kl. 14:00 í húsnæði Sea Life Trust kynnir Ásrún Magnúsdóttir  og les upp úr nýrri bók sinni Ævintýri Munda lunda.

 

Sunnudagur 17. nóvember

Sagnahelgi lýkur að þessu sinni kl. 13:00 í Náttúrugripasafninu við Heiðarveg þar sem Njáll Ragnarsson formaður bæjarráðs opnar sýningu á munum safnsins, fugla- og steinasafni, og Hörður Baldvinsson fjallar um sögu safnsins. Djúpið opnar sýninguna Fast þeir sóttu sjóinn.

Slökkvistöðin opin á sunnudeginum til kl. 16:00.

Nýjustu fréttir

Stjórnmál
Spurt og svarað: Erlingur frá Eyjalistanum
Íþróttir
Sandra náði áfanga með íslenska landsliðinu
Sjávarútvegur
Með fullfermi eftir örstutta túra
Fréttir
Friðrik Dór mætir á Þjóðhátíð
Fréttaskýring
Vestmannaeyjar í gegnum linsu liðins tíma
Aðsent
40 ára aldursmunur á vinningshöfum
Aðsend grein
Hvert viljum við stefna?
Stjórnmál
Margrét Rós: „Ég er hvorki í fýlu né lít á mig sem tapara“
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.