Tómstundahlaðborð var haldið í sal Íþróttamiðstöðvarinnar í Vestmannaeyjum í morgun. Þar kynntu félög, samtök og aðrir aðilar starfsemi sína fyrir fólki á öllum aldri.

Á hlaðborðinu mátti kynna sér fjölbreytt íþrótta- og tómstundastarf í Eyjum. Meðal þátttakenda voru íþróttafélög, kórar, lúðrasveitir, félög á sviði leiklistar og lista, hjálparsamtök og félög sem sinna heilsu og félagsstarfi.

Tilgangur viðburðarins var að gefa börnum, ungmennum og fullorðnum tækifæri til að sjá hvað er í boði, ræða við fólkið á bak við starfið og jafnvel finna sér nýtt áhugamál. Halldór B. Halldórsson fór á tómstundahlaðborðið fyrir Eyjafréttir og tók myndband og myndir. Hér fyrir neðan má sjá svipmyndir frá viðburðinum.