Flugsamgöngur hafa legið niðri samtals í tæpa 8 mánuði frá því í September 2020

Eyjafréttir
·
Fréttir
·
4. mars 2022

Það verður að teljast mikil afturför í samgöngum ef við skoðum síðustu tvö ár.
Áætlunarflug hefur legið niðri meira eða minna síðan í september 2020 ef frá eru talin þessi tvö styrktarflug á viku sem Air Iceland Connect, síðar Icelandair, sá um frá desember 2020 til maí 2021.
Við tók áætlunarflug sem gefið var út sem sumaráætlun og átti hún að hefjast maí 2021 og vera út september 2021. Það var fljótlega ljóst að þetta gekk illa upp og var sú áætlun skorin niður, hófst hún í júní og var hætt mánuði fyrr en áætlað var eða í lok ágúst 2021.
Nú í dag flýgur flugfélagið Ernir þrjár ferðir í viku á samskonar styrk og veittur var til Icelandair 2020-2021 og gildir hann til loka maí 2022.
Það ætti að vera öllum ljóst að sú vinna sem þarf til að tryggja okkur áreiðanlegar samgöngur ætti að vera löngu hafin og er einfaldlega búið að vera draga lappirnar frá því í september 2020!

í stjórnarsáttmála má lesa

„Jafnframt verði unnið að því að endurskipuleggja og byggja upp almenningssamgöngur um land allt. Þar skiptir höfuðmáli að fólksflutningar á vegum og í lofti verði samþættir á notendavænan hátt og auðvelt verði að finna og velja farleiðir og greiða fargjöld.“

Til að hægt sé að tala um áætlunarflug þarf tíðni ferða að vera aðgengileg, hér dugar ekki til að allir heimamenn sem þurfa á þjónustu að halda á fastalandinu ferðist til dæmis á þriðjudögum eða fimmtudögum, enda gengur dæmið ekki upp þannig.

Flugsamgöngur þurfa að vera aðgengileg okkur að minnsta kosti alla virka daga og til þess þarf stuðning til að byggja upp áætlunarflug milli Vestmannaeyja og Reykjavíkur.

Í dag er sagt að málið sé til skoðunar, fyrir mér er málið einfalt, við þurfum þennan samgöngumáta og það hefur glettilega sýnt sig í þeim erfiða vetri sem nú er vonandi að fara ljúka.

Hannes Kristinn Sigurðsson

Undirritaður bíður sig fram í 5. sæti á lista Sjálfstæðisflokksins í Vestmannaeyjum í komandi prófkjöri.

Nýjustu fréttir

Íþróttir

Valur vann ÍBV í fyrsta leik í úrslitaeinvíginu

Íþróttir

The Puffin Run fór fram í dag í blíðskaparveðri

Úr blaði Eyjafrétta

Ástríðan fyrir trérennslu kviknaði í faraldrinum

Fréttir

Dýpkun gekk vel í morgun

Stjórnmál

Sjálfstæðisflokkur stærstur í Suðurkjördæmi

Mannlíf

Góð stemning á fjölskyldudegi á Stakkagerðistúni

Íþróttir

ÍBV mætir Val í fyrsta leik úrslita

Íþróttir

The Puffin Run hlaupið í níunda sinn á morgun

Mest lesið

viðburðir

22. maí 2026

18:00

MATEY Seafood Festival

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki