Stjórnendur Grunnskóla Vestmannaeyja hafa sent foreldrum og forráðamönnum tilkynningu vegna aðstæðna í fyrramálið.

,,Viljum góðfúslega benda ykkur á að appelsínugul veðurviðvörun er í gildi í fyrramálið frá kl. 07:00.
Ef um appelsínugular viðvaranir er að ræða eru stofnanir alla jafna opnar og skólastarf óskert. Foreldrar/forráðamenn meta hvort börn þeirra mæti í skólann, ber þá að tilkynna forföll til ritara/umsjónarkennara strax að morgni. Bæjaryfirvöld ákveða, eftir samráð við lögreglu, hvort til lokana þarf að koma.

Við biðjum ykkur þess vegna að fylgjast vel með í fyrramálið, ef til lokana kemur verður sendur út póstur upp úr kl. 7:00
Annars biðjum við ykkur að fylgja amk yngstu nemendum inn í skólann í fyrramálið.”