Forseti Þýskalands, Frank-Walter Steinmeier og Elke Büdenbender forsetafrú, forseti Íslands, Guðni Th. Jóhannesson og Eliza Reid, forsetafrú, ásamt fylgdarliði, koma í heimsókn til Vestmannaeyja síðar í dag.

Um er að ræða hluta af opinberri heimsókn þýska forsetans til Íslands. Forsetahjónin munu m.a. heimsækja sjóvarmadælustöðina, Breka VE-61, koma við á TM móti stúlkna í knattspyrnu og ganga á Eldfell. Íris Róbertsdóttir, bæjarstjóri, mun svo bjóða sendinefndinni til móttöku í Eldheimum til heiðurs forsetahjónunum.