„Við erum spennt að fá hina hæfileikaríka matreiðslukonu Rosie May Maguire á veitingastaðinn Slippinn á Matey sjávarréttahátíðina í Eyjum.“ segir í tilkynningu frá skipuleggjendum hátíðarinnar.
Þar segir jafnframt að ferðalag Rosie í gegnum matreiðsluheiminn hafi einkennst af ástríðu hennar, forvitni og hollustu við handverkið. Hún er með BA gráðu í matreiðslulist frá háskólanum í Derby og hefur starfað á nokkrum af virtustu eldhúsum, allt frá einkaklúbbum á skoska Hálendinu til Michelin-stjörnu veitingastaðarins Mana í Manchester. Um þessar mundir er hún að gera magnaða hluti sem sous chef á Higher Ground, nútíma breskum bístró í Manchester.
Verkefni Rosie ná einnig út fyrir eldhúsið en hún er þátttakandi í rannsóknarverkefnum sem undirstrika skuldbindingu hennar til að skilja matinn sem við borðum frá öllum hliðum. Forvitnilegt eðli hennar og ást á matreiðslulist hefur knúið hana áfram til að bæta færni sína stöðugt.
Á Slippnum mun Rosie koma með sína einstöku blöndu af nútíma breskri matargerð og djúpa virðingu fyrir hráefninu á Matey sjávarréttahátíðinni. Þetta er einstakt tækifæri til að upplifa nýstárlega nálgun hennar á matreiðslu, í hinum töfrandi Vestmannaeyjum.
Vertu með frá 5.-7. september og fáðu ógleymanlega matarupplifun sem fangar það besta úr íslenskum sjávarréttum, framreidda af einni af rísandi stjörnum matreiðsluheimsins.
Meira um Matey:
